СВАЯ ГУЛЬНЯ “БелаВеды”, інтэлектуальнае спаборніцтва паміж 5-мі класамі

СВАЯ ГУЛЬНЯ “БелаВеды”, інтэлектуальнае спаборніцтва паміж 5-мі класамі.

Мэты:

  • праверыць і пашырыць веды пра родны край, беларускую мову і літаратуру;
  • стымуляваць цікавасць да беларускай мовы і літаратуры;
  • развіваць слоўнікавы запас;
  • садзейнічаць развіццю ўважлівасці, хуткасці, актыўнасці, адказнасці за свой выбар;
  • выхоўваць пачуццё калектывізму, сяброўства, павагі да саперніка.

Абсталяванне: дошка, карткі з заданнямі, малюнкі, бланк для журы, грамата пераможцам, падзяка ўдзельнікам.

Удзельнікі: каманды па 6 чалавек з 5-х класаў; заўзятары; журы.

Ход спаборніцтва

  1. Арганізацыйны момант
  • Прывітанне! Паслухайце радкі з верша:

Роднае слова

Роднае слова і гаваркое

Лашчыць мне сэрца сваёю пяшчотаю,

Да розуму мілае, да сэрца – святое.

Зіхаціць і цурчыць, яго чую з ахвотаю…

  • А ці любіце вы слухаць, як меладычна гучыць наша родная мова?
  • Гэта мяне вельмі радуе. Але слухаць мову мала, трэба яшчэ яе і ведаць. Сёння ў нас адбудзецца спаборніцтва, дзе вам спатрэбіцца ўзнавіць і паказаць усе свае веды па беларускай мове, літаратуры, а таксама веды пра нашу краіну. Клас-пераможца, які лепш справіцца з заданнямі, атрымае ганаровую грамату! Вы гатовыя?! Я не чую!
  • Аб’яўляю Сваю гульню “БелаВеды”!
  1. Прадстаўленне журы (2 чалавекі)
  2. Тлумачэнне правіл гульні

«Свая Гульня» складаецца з 5 тэм па 5 пытанняў у кожнай (25 пытанняў). Пытанні размяшчаюцца злева направа, па ўзрастанні ступені складанасці (ад 10 да 50).

На дошцы – схема:

Тэма Намінал пытання
Радзіма 10 20 30 40 50
Беларуская мова 10 20 30 40 50
Лексіка 10 20 30 40 50
Беларуская літаратура 10 20 30 40 50
Назвы 10 20 30 40 50

Гульню пачынае каманда, якая правільна адкажа на першае пытанне. Капітан каманды выбірае тэму і намінал пытання. Вядучы зачытвае пытанне. На абмеркаванне даецца 1 хвіліна. Каманда адказвае на пытанне (капітан каманды).

Калі каманда адказвае правільна, то ёй даецца права выбару наступнага пытання, калі яна адказвае няправільна, то права адказаць на гэтае ж пытанне прадастаўляецца іншай камандзе. Чалавек, што адказаў правільна, выбірае наступнае пытанне. Калі пытанне застаўся без адказу, то выбар наступнага пытання застаецца ў каманды, што выбірала папярэдняе пытанне. Правільны адказ дадае колькасць ачкоў да агульнай сумы каманды. Няправільны адказ на пытанне не памяншае агульнай колькасці балаў.

  1. Асноўная частка
    • Выбар першай каманды.
  • Зараз я пакажу вам рэбус. Там зашыфравана слова на рускай мове. Трэба расшыфраваць гэтае слова, перакласці на беларускую мову і назваць. Будзьце ўважлівы: адказаць трэба толькі па-беларуску! Хто першы правільна адгадае, той і пачынае гульню.

svaja-gulnja-1

Победа — ПЕРАМОГА

  • Свая гульня

Заданні гульні

Сектар Радзіма

  • Назавіце звера-сімвал РБ. (зубр)
  • На чале нашай краіны стаіць …(Прэзідэнт РБ А.Р.Лукашэнка).
  • Назавіце дзяржаўныя сімвалы. (сцяг, герб, гімн)
  • Назавіце дзяржаўныя мовы(бел.,рус.).
  • Назваць прыказку пра Радзіму.

(Чалавек без Радзімы ,як салавей без песні.

Няма смачнейшай вадзіцы ,як з роднай крыніцы.

У чужой старонцы і сонца не так свеціць.

Усякай птушцы сваю гняздо міла.

Родная зямля мякчэй чужой пярыны.

У сваёй хаце і вуглы дапамагаюць.

Жыць-Радзіме служыць.

Ад душы працуеш-Радзіму мацуеш.

Будзь не толькі сынам свайго бацькі-будзь сынам свайго народа.)

Сектар Беларуская мова

  • Прыдумайце развіты сказ.
  • Якое з гэтых слоў можа быць звароткам: зрабіць, няма, бягу, матуля?
  • Прыдумайце сказ з аднароднымі дапаўненнямі.
  • Паглядзіце на схему. [- =], (што — =). Што мы паказваем на гэтай схеме. Састаўце па схеме сказ.
  • Назавіце сказ з памылкай, выпраўце яе: Суседскую дзяўчынку паслалі па яблыкі. Хлопцы пажартавалі над сябрам. (Хлопцы пажартавалі з сябра.)

Сектар Лексіка

  • Як называецца кніга, у якой сабраны і размешчаны ў алфавітным парадку ўсе словы? (Слоўнік)
  • Назавіце па-беларуску: малюнак (чарніцы)svaja-gulnja-2
  • Перакласці з рускай на беларускую мову: одуванчик (дзьмухавец)
  • Знайсці слова з памылкай і выправіць: мяккаваты, меньш, акварыум, кудысьці (Менш)
  • Знайдзіце лішняе слова, растлумачце свой выбар: партфэль, кветка, мядзведзь, мэбля. (Мядзведзь – адушаўлёны, хто? Астатнія словы неадушаўлёныя, што?)

Сектар Беларуская літаратура

  • Патрабуецца даць адказ і назваць жанр:

Белы, да не цукар, ног няма, а ідзе. (Снег. Загадка)

  • Хто выдаў у нас першую дракаваную кнігу? (Францішак Скарына)
  • Назваць мастацкі твор, з якога ўзяты радкі, і аўтара:

“За тое, што вы не паслухалі свае маткі і кінулі сваю радзіму, вы будзеце вечна кружыцца па свеце і ніколі не збудзеце сваёй жальбы па родных кутках, і нідзе не будзеце мець вы прытулку на свеце.”

(Якуб Колас. Крыніца)

  • Колькі галоўных герояў у казцы “Музыкі”? Пералічыце іх. (Чатыры: асёл, сабака, кот, певень.)
  • Назавіце віды казак. Да якога віду адносіцца казка “Залаты птах”? (Віды казак: пры жывёл, чарадзейныя, сацыяльна-бытавыя. “Залаты птах” – казка чарадзейная.)

Сектар Назвы

  • Пра якое возера на Беларусі складзена шмат легенд? Яно яшчэ называецца ў нас “Беларускім морам”. (Возера Нарач)
  • Чаму беларусаў называюць бульбашамі? (Бульба – другі хлеб беларусаў, самая любімая страва.)
  • Гэта было неабходным атрыбутам шматлікіх звычаяў і абрадаў, з гэтым заўжды сустракалі дарагіх гасцей. Назавіце, што гэта? (Хлеб-соль)
  • Назва якога месяца прапушчана ў пададзенай прыкмеце? У _______ гола ў садзе. (лістапад)
  • Адгадайце беларускую страву: Запечаная ў чыгунку ў вясковай печы бульбяная маса з невялікімі кавалкамі сала. (Бабка)svaja-gulnja-3

 

  1. Падвядзенне вынікаў гульні: слова журы. Узнагароды-пераможцам.

— Дарагія сябры!  Наша гульня па беларускай мове і літаратуры заканчваецца. І пакуль журы падводзіць вынікі, мне хочацца нагадаць вам радкі з верша:

“Я-беларус”    Ніл Гілевіч.

                           Я-беларус,я нарадзіўся на гэтай казачнай зямлі,

                           Дзе між лясоў і пушчаў дзікіх  адвеку прашчуры жылі.

                           Я-беларус,я ганаруся,што маю гэтае імя:

                           Аб добрай славе Беларусі  ў свеце знаюць нездарма.

                           Я-беларус,і я шчаслівы,што маці мову мне дала,

                           Што песень родных пералівы і зблізку чую і здаля. 

Слова журы.

  • Я думаю, што ўсе прысутныя яшчэ больш упэўніліся ў тым, як трэба ведаць, любіць і шанаваць мову і літаратуру свайго народа, сваю Радзіму, і як гэта цікава!

Падвядзенне вынікаў, узнагароджванне пераможцаў.

Чтобы не пропустить ничего, что происходит и публикуется на блоге, подписывайтесь ЗДЕСЬ. И не забудьте оставить чуть ниже свой комментарий 😉 Я ценю ваше мнение!

С уважением и любовью, Татьяна Саксон

Видео-курс: как заплести волосы, секреты причесок

Скажите спасибо, поделитесь с друзьями -

И моя благодарность останется с вами!

Оставить комментарий

Забирайте БЕСПЛАТНО!
Ребенок и компьютер. Как сохранить здоровье ребенка? Как научиться писать стихи?
Здесь можно найти информацию быстро
Платные услуги
стихи на заказ, акростихи на заказ
  тексты на заказ
Буквоед
Группа ВКонтакте
Автор блога Татьяна Саксон

Яндекс.Метрика