Беларуская мова. 3 клас. Вызначэнне роду прыметнікаў (2-я гадзіна)

План канспект урока Беларускай мовы ў 3 класе.

Тэма ўрока: Вызначэнне роду прыметнікаў (2)

Мэты ўрока:

1. Паказаць сувязь назоўніка з прыметнікам у родзе;

2. Вучыць знаходзіць спалучэнне прыметніка з назоўнікам і вызначаць род прыметніка, вызначаць канчаткі назоўніка і прыметніка;

3. Развіваць фанематычны слых, маўленне, памяць, выхоўваць пачуццё замілавання роднай прыродай.

Ход урока

І. Арганізацыйны момант

ІІ. Праверка дамашняга задання (практ. 145)

— Прачытайце прыказкі. Як вы разумееце іх сэнс?

— Якія пары слоў вы выпісалі? Якая гэта часціна мовы?

— Да якога назоўніка адносіцца кожны прыметнік. Якога роду гэты назоўнік?

— З кожнай парай прыметнікаў прыдумайце сказ.

ІII. Новы матэрыял

— Прачытайце назоўнікі. Вызначце іх род, запішыце. Далучыце да кожнага назоўніка прыметнік снежны. Дапішыце прыметнік побач з назоўнікам.

— Якога роду могуць быць прыметнікі?

_______горка —___   род

_______ком — ___      род

_______поле — ___    род

— Прыметнікі змяняюцца па родах. Каб даведацца пра род прыметніка, трэба вызначыць род назоўніка, ад якога залежыць гэты прыметнік. Такога роду будзе і прыметнік.

— Прачытайце двухрадкоўе.

Уцякла кудысьці ўчора

Баба снежная з двара.

І. Муравейка.

— Куды ўцякла снежная баба?

— Пафантазіруйце, што з ёю здарылася?

— Знайдзіце спалучэнне назоўніка з прыметнікам.

— Вызначце род назоўніка баба. Якога роду прыметнік, які з ім звязаны? Назавіце род прыметніка снежная.

— Вызначце канчаткі назоўніка і прыметніка.

ІV. Замацаванне

Практ. 149

— Прачытайце і адкажыце на пытанні.

— Вызначце род назоўнікаў. Якога роду прыметнікі, якія з імі звязаны? Назавіце род прыметнікаў. Вызначце канчаткі назоўнікаў і прыметнікаў. Са спалучэннямі слоў складзіце сказы, запішыце іх пад дыктоўку. Пазначце род прыметнікаў і назоўнікаў.

Практ. 151

— Прачытайце верш. Пра каго ў ім гаворыцца. Знайдзіце словы з ласкавым адценнем значэння.

— Выпішыце прыметнікі з назоўнікамі, ад якіх яны залежаць. Да прыметнікаў пастаўце пытанні. Вызначце род назоўнікаў і прыметнікаў.

Практ. 154

— Прачытайце, змяняючы прыметнікі як патрабуе сэнс. Пра якія прыметы вясны гаворыцца ў тэксце? Вызначце з дапамогай слоўніка значэнні слоў бразгае, скараецца, наўздагон, пяшчотны. 3 чым параўноўваецца звон ручайкоў? Адкуль ляцяць вятры? Што яны нясуць? Куды адступае зіма?

— Знайдзіце спалучэнні прыметнікаў з назоўнікамі. Вызначце род.

— Спішыце першыя два сказы. Вызначце род назоўнікаў і прыметнікаў.

V. Дамашняе заданне

Практ. 154 (сказы 3, 4, 5). Вызначце род назоўнікаў і прыметнікаў.

VI. Вынік урока

— Ад чаго залежыць род прыметніка?

— Як вызначыць род прыметніка?

Ўрокі ў пачатковай школе. Распрацоўкі тут!

Наступныя ўрокі беларускай мовы:

Вызначэнне ліку прыметнікаў

Вызначэнне роду і ліку назоўнікаў і прыметнікаў

Чтобы не пропустить ничего, что происходит и публикуется на блоге, подписывайтесь ЗДЕСЬ. И не забудьте оставить чуть ниже свой комментарий 😉 Я ценю ваше мнение!

С уважением и любовью, Татьяна Саксон