Беларуская мова. 3 клас. Урок: Цвёрдыя і мяккія зычныя гукі. Абазначэнне мяккасці зычных на пісьме. Развіццё вуснага маўлення: выразы, з якіх можна пачынаць размову

План канспект урока Беларускай мовы ў 3 класе.

Тэма урока: Цвёрдыя і мяккія зычныя гукі. Абазначэнне мяккасці зычных на пісьме. Развіццё вуснага маўлення: выразы, з якіх можна пачынаць размову

Мэты урока:

1. Паўтарыць спосабы абазначэння мяккасці зычных на пісьме;

2. Фарміраваць уменне абазначаць мяккасць зычных на пісьме;

3. Выхоўваць самастойнасць, утвараць умовы для раскрыцця творчага патэнцыялу вучняў.

Ход урока

I. Арганізацыйны момант

— Усміхнёмся адзін аднаму. Пажадаем плённай працы.

ІІ. Праверка дамашняга задання

III. Арфаграфічная размінка

Дож.. прарва..ся з ветрам

У сп.коту,

Па п.сках удары..

Буйным шротам…

За адно імгненне,

За хвіліну

Перамы.. лістоту на галінах,

Пачапі.. на кожнае іглінцы

Па адной засмучанай

Сл..зінцы.

П. Броўка

— Растлумачце напісанне слоў з прапушчанымі літарамі.

 — Назавіце словы, у якіх усе зычныя гукі глухія.

 — Падзяліце для пераносу выдзеленыя словы.

IV. Чыстапісанне

крыніца           крыж          Кастусь

Тлумачэнне сэнсу слоў:

Крыніца (родник) — выхад падземных вод на паверхню зямлі; тое, што дае пачатак чаму-небудзь, служыць асновай для чаго-небудзь.

Крыж (крест) — сімвал культу хрысціянскай рэлігіі ў выглядзе металічнага стрыжня або драўлянага бруса з адной або дзвюма папярэчнымі перакладзінамі; знак узнагароды, ордэн у форме такога прадмета.

Роднасныя словы:

Крынічка, крынічышча, крынічны.

Крыжаваны, крыжавік, крыжык, крыжаносец.

Калі мы так гаворым:

Біць крыніцай — жыць актыўна, бурна.

Жывая крыніца — пра тое, што існуе.ў сваім першапачатковым, натуральным стане.

Крыж-накрыж — пакласці адну рэч цераз другую.

Несці крыж — цяжка жыць, пакутаваць.

Ставіць крыж — падагульніць, падвесці вынік.

Пры лесе, пад горкай

Бруіцца крыніца.

У светлай крыніцы

Вадзіца-жывіца.

П. Броўка

— Падзяліце для пераносу словы, якія складаюцца з трох складоў. Дайце характарыстыку гукаў у гэтых словах.

— Падкрэсліце літары, якія абазначаюць мяккія зычныя гукі (I варыянт); цвёрдыя зычныя гукі (II варыянт).

V. Паведамленне тэмы ўрока

— На ўроку мы будзем замацоўваць веды пра цвёрдыя і мяккія зычныя гукі.

VI. Вывучэнне новай тэмы

Практ. 28 ,с. 16

VІI. Фізкультхвілінка. Пальчыкавая гімнастыка

Ну-ка, братцы, за работу.

Пакажыце нам сваю ахвоту.

Большаму — дровы сячы,

Печы ўсе табе паліць,

А табе ваду насіць,

А табе абед варыць,

А табе посуд памыць.

А потым усім песні спяваць,

Песні спяваць ды скакаць,

Саміх сябе забаўляць.

(Па чарзе разгінаць пальцы, пачынаючы з вялікага, а на словы «спяваць ды скакаць» — энергічна шавяліць імі.)

VIІI. Замацаванне

Практ. 29, с. 17

Практ. 30, с. 17

Практ. 31, с. 18

Практ. 32, с. 18

ІX. Вынік урока. Рэфлексія

— Як ацэніце сваю работу?

— Мне спадабалася ваша праца.

Х. Дамашняе заданне

Практ. 33, с. 19.

Пачатковая школа. Усе урокі

Глядзіце наступныя урокі беларускай мовы:

Гукі [д], [т] — [дз’], [ц’]. Іх абазначэнне на пісьме

Зычныя гукі, няпарныя па цвёрдасці-мяккасці. Іх абазначэнне на пісьме

Чтобы не пропустить ничего, что происходит и публикуется на блоге, подписывайтесь ЗДЕСЬ. И не забудьте оставить чуть ниже свой комментарий 😉 Я ценю ваше мнение!

С уважением и любовью, Татьяна Саксон