Навучанне чытанню. 1 клас. Тэма ўрока: Знаёмства са сказам

Навучанне чытанню ў 1 класе. Канспект урока

Знаёмства са сказам

Тэма: Знаёмства са сказам

Мэты:

— пазнаёміць дзяцей з паняццем «сказ»;

— развіваць мысленне дзяцей;

— выхоўваць добрыя адносіны да прыроды.

Ход урока:

1. Арганізацыйны момант

2. Паўтарэнне

— Дзеці, хто такі Францішак Скарына? (першадрукар)

— На чым людзі пісалі раней, калі яшчэ не было паперы? (на гліняных таблічках)

— У чым значэнне кнігі?

— Паслухайце верш В.Жуковіча, дзе ён выказаў захапленне прыродай роднага краю:

Гляджу з захапленнем

На нашу зямлю.

У травах і красках

Зямліцу люблю…

— А вы любіце сваю зямлю і прыроду?

— Малайцы! Толькі не забывайцеся на тое, што прыроду трэбы не толькі любіць, але і берагчы.

3. Новы матэрыял

— Адгарнем наш Буквар на 4 і 5 старонцы і паглядзім на малюнак. Што тут намалявана? (адпачынак на беразе рэчкі)

навучанне чытанню знаёмства са сказам

— Бачыце, пад нашым вялікім малюнкам — некалькі малых малюнкаў. У цэнтры кожнага малога малючнка — персанажы з вялікага.

— Хто намаляваны на першым малюнку? (сабачкі)

— Што яны робяць? (Сабачкі бегаюць) Дайце поўны адказ.

— Адзін малюнак — як сказ. Бо сказ — гэта сказаць нешта пра што-небудзт або пра каго-небудзь. Напрыклад, мы з вамі сказалі пра сабачак. Сказ — ад слова «сказаць».

— Што вы скажаце пра дзяўчынак? (Дзяўчынкі ўюць вянок)

— А які сказ — пра хлопчыка? (Хлопчык вудзіць рыбу)

— А які сказ — пра ката? (Кот панёс рыбу)

— Вялікі малюнак можна падзяліць на часткі, а з частак можна скласці цэласны верхні малюнак. Так і ў мове: наша апавяданне можна падзяліць на сказы, а са сказаў — скласці апавяданне.

— Хто паспрабуе скласці апавяданне па вялікаму малюнку?

— Сказ мы з вамі будзем абазначаць вось такой схемай:

1 клас знаёмства са сказам

— Штрых спераду абазначае пачатак сказу. Сказ заўсёды пачынаецца з вялікай літары. У канцы сказа мы робім прыпынак (паўзу). На пісьме абазнаем гэта кропкаю.

— А цяпер прыдумайце па сказу пра тое, што вы рабілі раніцай.

— Як вы думаеце, калі хто скажа: На стале ляжала… Ці будзе гэта сказ? Чаму?

— На самой справе, думка не завершана. Мы не ведаем, што ляжала на стале. А калі я скажу: На стале ляжала кніга?

— Вось! Сказ — гэта закончаная думка.

— Цяпер мы з вамі пагуляем у гульню «Слухай уважліва». Я вымаўляю сказ. Калі ён завершаны, вы «ставіце» кропку — пляскаеце ў далоні. Дамовіліся?

Тома завастрыла…

Тома завастрыла аловак.

Пеця ездзіць на…

Пеця ездзіць на веласіпедзе.

Ніна кнігі…

Ніна кнігі шануе.

— Малайцы! А зараз я пачну сказ, а вы яго хорам закончыце.

Любіш катацца, любі і саначкі… (вазіць)

4. Абагульненне

— Пра што вы сёння даведаліся на ўроку?

— Што такое сказ?

— Што робіцца ў канцы сказа?

— Хто мне прыдумае паведамленне з двух сказаў?

Малайцы! Вы добра працавалі на ўроку. Пара і адпачыць.

Чтобы не пропустить ничего, что происходит и публикуется на блоге, подписывайтесь ЗДЕСЬ. И не забудьте оставить чуть ниже свой комментарий 😉 Я ценю ваше мнение!

С уважением и любовью, Татьяна Саксон

Скажите спасибо, поделитесь с друзьями -

И моя благодарность останется с вами!

Оставить комментарий

Забирайте БЕСПЛАТНО!
Ребенок и компьютер. Как сохранить здоровье ребенка? Как научиться писать стихи?
Здесь можно найти информацию быстро

Группа ВКонтакте
Автор блога Татьяна Саксон

Яндекс.Метрика